Pormal na nga napanumpa bilang miembro sang Partido Federal ng Pilipinas si Koronadal City Mayor Eliordo “Bebot” Ogena Kahapon Setyembre 4 2024.
Natigayon ang pagpanumpa sang alkalde sa sulod mismo sang opisina sang Alkade sa City Hall sang syudad sang Koronadal.
Malipayon naman nga ginbaton ini sang National President sang Partido Federal ng Pilipinas nga si South Cotabato Governor Reynaldo Tamayo Jr.
Suno sa social Media post sang gobernador, malipayon ini nga nangin magkapartido na sila sang alkalde sang kabisera sang probinsiya nga iya nga ginadumala.
Naga laum man si Governor Tamayo nga mangin manami ang relasyon sang alkalde kag sang gobernador sa subong nga yara na ang mga ini sa isa ka partido.
Ginpromisa man sini nga magabulig ini sa pagpatuman sang proyekto kag programa sa syudad agud nga mas mabatyagan sang taga-South Cotabato ang tanan nga bulig halin sa gobyerno
