Ginatun-an sang Koronadal City Police ang posibilidad nga magpatuman sang limitasyon sa oras sang pagbaligya kag pagserbi sang makahulubog nga ilimnon sa masunod nga mga kapistahan, kasunod sang pila ka insidente sang rambol kag kinagamo nga napagkit sa T’nalak Festival 2026.
Sa interview sang Bombo Radyo Koronadal, ginpahayag ni PLt. Col. Harold Cornel, Chief of Police sang Koronadal City PNP, nga kalabanan sa mga insidente may kaangtanan sa pag-inom sang makahulubog nga ilimnon.
Ginaproseso pa sang mga otoridad ang mga viral videos nga naglapta online agud mahibaluan ang matuod nga natabo, bangud kasubong nga nagaangkon sang pilas ang duha ka panig.
Bisan pa sini, ginpahayag ni Cornel nga sa kabug-usan malinong kag matawhay ang selebrasyon bangod wala sang seryoso nga insidente, sa bulig sang epektibo nga koordinasyon sang kapulisan, iban nga law enforcement agencies, force multipliers kag mga volunteer.
