Nagsabtanay sa social media sanday Senador Robin Padilla kag Philippine Coast Guard spokesperson for the West Philippine Sea Rear Admiral Jay Tarriela matapos magpagwa ang China Daily sang AI-generated video nga nagalaragway sa mga Pilipino bilang mga amu.
Antes sini, ginhangkat ni Tarriela sanday Padilla kag Senador Alan Peter Cayetano nga pangayuan sang public apology ang China bangud sa kontrobersiyal nga video.
Sa nasambit nga post, ginbasol ni Padilla si Tarriela sa ginatawag sini nga hinungdan sang inaway sang “wartime propaganda” kag ginpahayag nga kasubong lang ang pagtan-aw sang mga puti nga mananakop sa mga Asyano.
Nagbalos naman si Tarriela sa isa pa ka social media kag ginpahayag nga ang transparency initiative sang PCG nagadokumento lang sang agresyon kag pangharass sang China sa West Philippine Sea kag indi propaganda.
Gindugang pa niya nga insulto sa mga Pilipino ang pagbaton sa paglaragway sang China nga amu ang ila lahi.
Ginpabaskog man niya nga ang video mismo ang ginhimo kag ginpalapta sang Chinese government, gani dapat ini kondenahon, indi depensahan.
