Nagpatigayon sang ‘tactical pause’ ang Israeli army sa pila ka bahin sang Gaza Strip kun diin matabo ini kada kaagahon agud mapadali ang paghatag sang bulig sa mga nagakinahanglan.
Ginpahayag sang opisyal nga ang lokal kag tactical pause ang may tinutuyo nga ipatigayon kada adlaw sa dalanon sang Kerem Shalom Crossing padulong sa Salah al-Din Road.
Ang desisyon nga ini ang igapatuman agud mangin tayuyon ang humanitarian aid sa Gaza Strip suno sa una ginhingyo sang UNited Nations.
Una na nga ginpahayag sang World Health Organization nga masobra sa 8,000 ka kabataan nga nagaedad sang lima ka tuig ang nagutuman kag nagaeksperiensiya sang malnutrisyon sa Gaza.
Madumduman nga nagpatunga ang international mediators sa Israel kag Hamas agud nga mauntat ang giyera sa nasambit nga lugar.
