Ginkumpirma sang Iran-aligned Houthi group nga gin-atake nila gamit ang drone ang Jazan refinery sang Saudi Aramco sa southwestern Saudi Arabia sang Domingo.
Suno sa Saudi Energy Ministry, nag-abot sa sunog ang refinery pero gilayon ini napalong kag wala sing ginsugid nga nasamaran.
Samtang, nagsiling man ang Houthis nga nagpatigayon sila sang missile kag drone attacks sa Mocha, isa ka Red Sea port city sa Yemen. Suno naman sa Yemeni military, pito ka tawo ang napatay kag malala nga nadamage ang imprastraktura sang pantalan.
Nahitabo ang mga pag-atake pila ka adlaw matapos lumagda ang Saudi Arabia, Turkey kag Pakistan sa isa ka defense pact bilang sabat sa nagatindi nga tensyon sa rehiyon. Suno sa kasugtanan, ang pag-atake sa bisan diin sa tatlo ka pungsod pagakabigon nga pag-atake batok sa tanan.
Ginpahayag naman sang Turkey nga ang kasugtanan indi nakatuon batok sa Iran ukon sa bisan ano nga partikular nga pungsod.
