Ginbalabagan sang Philippine Coast Guard (PCG) ang Chinese research vessel nga Jia Hai Ke 7 matapos ini makit-an sa 37 nautical miles northwest sang Itbayat, Batanes.
Suno sa PCG, nakita ang barko sa amo nga lugar halin pa sang Setyembre 28 kag ginasuspetsahan nga nagahimo sang marine scientific research nga wala sang nagakaigo nga permiso.
Bangud sini, gindeploy sang PCG ang BRP Teresa Magbanua kag PCG Islander 251 agud bantayan kag punggan ang barko sa pagpadayon sang ginapatihan nga indi awtorisado nga aktibidad.
Paagi sa isa ka inflatable boat, ginpalibutan sang mga personnel sang BRP Teresa Magbanua ang Jia Hai Ke 7 agud punggan ini nga magpadayon sa pagbiyahe sa amo nga katubigan.
Padayon naman nga ginamonitor sang PCG ang sitwasyon kag ang paglihok sang Chinese research vessel sa kadagatan malapit sa Batanes.
