Magakuha sang bag-o nga abogado ang gobyerno matapos nag-atras si Solicitor General Menardo Guevarra nga dal-on ang gobyerno sa Korte Suprema kaangot sa ginbhimo nga pag-aresto kay anay Pangulong Rodrigo Duterte.
Suno kay Palace Press Officer kag PCO Usec. Atty. Claire Castro, importante nga makakuha sila sang maayo nga abogado nga magadepensa sa posisyon sang gobyerno sa sini nga kaso.
Dugang pa ni Castro, himuon sang pamahalaan ang tanan nga legal nga remedyo agud may magaserbisyo nga abogado para sa tanan nga respondente sa kaso.
Lakip sa mga respondents si Executive Secretary Lucas Bersamin kag Department of Justice Secretary Jesus Crispin Remulla.
Ang pahayag sang Palasyo amo ang kasunod sang pag-atrass ni Guevarra nga nagsiling nga indi niya epektibo nga mahimo ang iya ubra bangod nga wala na sang hurisdiksyon ang ICC sa Pilipinas.
Bangod sini, ginpahayg ni Castro nga dapatlamang magpangita sang iban nga abogado nga magapadayon sa sini nga responsabilidad.
Sa subong, ginaplano pa lang ni Castro kung paano ini ipatuman sang pamahalaan, kung kinahanglan ba magkuha sang private counsel ukon kung ano pa nga iban nga legal nga remedyo ang mahimo himuon.
