Mas madamo nga mga konsumidor ang mahimo makapili sang ila kaugalingon nga supplier sang kuryente sa tuig 2027, pagkatapos nga gintun-an sang Energy Regulatory Commission (ERC) ang pagpanubo sang minimum nga threshold sang pagkonsumo sang kuryente halin sa 100 kilowatts pakadto sa 50 kilowatts.
Sa idalom sang Retail Competition and Open Access (RCOA), ang mga konsumidor nga nagakonsumo sang 100 kilowatts pataas kada bulan ang makapili sang ila electricity supplier. Samtang, ang Retail Aggregation Program (RAP) ang ginagamit sa pag-aggregate sang konsumo sang magagmay nga konsumidor agud malab-ot ang kinahanglanon nga threshold.
Suno sa ERC, ang programa mahimo man nga mapasangkad sa lebel sang panimalay, samtang ginakay-o ang mga metering facilities sang mga distribution utilities kag electric cooperatives. Kon maaprubahan, ang ERC nagatuyo nga ipatuman ang 50-kilowatt threshold sa tuig 2027.
