Naluwas nga buhi ang duha ka trabahador halin sa isa ka hydropower tunnel sa Nepal, siyam ka adlaw matapos sila ma-trap bangud sa mabaskog nga pagbaha kag pakatiphag sang duta sa lugar.
Ginkilala ang mga survivor nga sanday Sanjay Sah, mechanical foreman, kag Kabir Maharjan, mechanical supervisor.
Natagpuan sila sa tunnel sang Upper Trishuli 3A Hydropower Station sa Rasuwa district sang Biyernes.
Nabatian sang rescue team ang mga tingog halin sa sulod sang tunnel antes natumod ang lokasyon sang duha.
Gilayon sila nga ginhakot paguwa kag gindala para sa medical treatment.
Naghatag sang paglaum sa mga pamilya sang iban pa nga missing ang pagkasalbar sa duha.
Ginalauman nga yara sa 900 ka trabahador ang posible nga na-trap sa nagkalain-lain nga hydropower tunnels sa palibot sang Trishuli River.
