Inaprubahan ng House of Representatives ang panukalang ₱975.96 bilyong budget ng Department of Education (DepEd) para sa 2027.
Ayon kay House Appropriations Committee Vice Chairperson Maria Carmen Zamora, katumbas ito ng 13.55% ng proposed national budget at pinakamalaking alokasyon sa isang government agency.
Kabilang sa pangunahing programa ang:
• School-Based Feeding Program (SBFP)
• Government assistance and subsidies
• Teacher promotion at expanded career progression
Gayunman, bumaba ang pondo para sa SBFP sa ₱11.4B mula ₱25.7B ngayong 2026. Dahil dito, mababawasan ang implementasyon mula 180 araw hanggang 120 araw, na pangunahing tututok sa mga kindergarten learner.
Samantala, ₱38.12B ang inilaan para sa government assistance and subsidies, habang ₱12.09B naman para sa expanded career progression program ng mga guro.
Hindi pa pinal ang budget dahil kailangan pa itong pag-usapan ng bicameral conference committee ng Kamara at Senado bago maging bahagi ng final General Appropriations Act.
