Gin-untat na sang Department of Agriculture (DA) ang moratorium sa pag-reclassify sang mga duta nga pang-agrikultura, nga nagabukas sang mas madamo nga lugar para sa bag-ong mga komersiyal, industriyal, kag imprastruktura nga mga proyekto.
Sa idalom sang Department Circular No. 32, ginpadayon na liwat sang DA ang pagproseso sang mga aplikasyon para sa pag-convert sang mga duta nga pang-agrikultura matapos ang lima ka bulan nga pagsuspinde sini.
Sang Enero, ginpauntat sang DA ang pag-isyu sang mga sertipikasyon para sa land use reclassification agud maproteheran ang mga uma batok sa indi angay nga pag-convert kag malikawan ang mga hulga sa seguridad sa suplay sang pagkaon.
Sa tion sang suspensyon, nagtukod ang DA sang isa ka technical working group nga nagrepaso kag nagbag-o sang mga panudlo sa pag-isyu sang DA certification on land use reclassification.
Suno kay Agriculture Secretary Francisco Tiu Laurel Jr., magpaguwa ang DA sang ginbag-o nga mga panudlo, apang wala siya naghatag sang dugang nga detalye.
