Gin-usisa sang defense counsel nga si Atty. Mark Vinluan ang masobra P2 bilyon nga discrepancy sa financial records ni Atty. Manases “Mans” Carpio, lakip na ang ginapahayag nga system bug sa BPI nga posible may kaangtanan sa pagkalain-lain sang mga rekord.
Ini ang nangin sentro sang cross-examination ni Atty. Vinluan kay Anti-Money Laundering Council Executive Director Atty. Ronel Buenaventura sa pagpadayon sang impeachment proceedings.
Gintudlo ni Atty. Vinluan ang isa ka report nga ginsumiter sang AMLC sa House Committee on Justice, nga ginapahayag may nagluntad nga system bug nga nakaapekto sa mga financial records ni Carpio kag nangin rason sang discrepancy.
Apang, nagpahayag sang objection ang private prosecutor nga si Atty. Divinagracia sa paagi sang pagpamangkot ni Atty. Vinluan.
Ginpunto niya nga wala ginpahayag sang witness nga ang BPI mismo ang nagpangayo sang correction sa amo nga report.
Ginpaathag naman ni Buenaventura nga may isa ka covered person nga nagpangayo sang correction sa rekord, apang wala niya ginpangalanan sa iya nagligad nga testimonya kon sin-o ini.
Bangud sini, ginpangayo ni Buenaventura nga ipakita sa iya ang dokumento nga ginatumod ni Atty. Vinluan agud iya makita ang eksakto nga sulod sini kag makahatag sang husto nga sabat sa pamangkot sang depensa.
