Nagtaliwan na ang American comedian kag aktor nga si Reggie McFadden sa edad nga 57 anyos samtang yara sa Tanzania.
Ginkumpirma sang iya utod nga si Bernice ang iya pagkapatay, apang wala ini naghatag sang dugang nga detalye ukon impormasyon parte sa sanhi sang iya kamatayon.
Masobra 18 ka tuig na nga nagpuyo si McFadden sa Tanzania matapos nga nagkaroon sang indi pagsinabtanay sa iya pamilya.
Natawo kag nagdako siya sa Brooklyn, New York, diin niya gin-umpisahan ang iya karera bilang stand-up comedian.
Una siya nga nakilala sa telebisyon paagi sa comedy show nga “Def Comedy Jam.”
Nagbalhin siya sa Los Angeles agud ipursige ang iya karera sa pag-arte. Samtang, nakalakip siya sa pila ka popular nga TV shows pareho sang “Martin,” “Hangin’ with Mr. Cooper,” “Moesha,” kag “Coach.”
Nakasulod man si McFadden sa mga pelikula kasubong sang “Jacob’s Ladder” kag “Little Nicky.”
Bisan sa iya pagbalhin kag pagpuyo sa Tanzania, ginpadayon ni McFadden ang iya karera sa entertainment kag nagpabilin nga kilala bangud sa iya mga pagpakita sa telebisyon kag pelikula.
