Ang kaanyag kag kaabtik maghimo-himo istorya ukon mang-scam ang nangin kapital sang isa ka babaye agud mapakaslan kag mahuthutan ang tatlo ka lalaki magluwas pa sa iya nga orihinal nga bana.
Isa ka Chinese woman ang ginkasuhan bangud sa pagpakasal sini sa apat ka mga lalaki.
Ang amo nga babayi ang nagahingalan sa kay Zhou, 35-anyos kag may isa na ka anak sadtong ginsugaran niya ang makipag-date sa nanari-sari nga mga lalaki.
Napaguha ni Zhou nga matuod ang iya kasal sa tatlo ka lalaki apisar legally married ini sa iya mister.
Nakasikwat man ini sang halos P5,593,750 sa amo nga mga lalaki.
Nahibaluan nga ginahambal sini sa mga lalaki nga iya ginapakaslan nga ang ila balay ang gin-demolish kag kinahanglan nga magpabilin ini nga single agud mangin eligible sa compensation halin sa gobyerno.
Bangud sa abilidad sini nga magtahi kag maghimo sang istorya, dugangan pa sang iya kaanyag, napapati niya sini ang mga lalaki nga iya target agud lamang makahuthot sang kwarta.
=-=-=-=-=-=-=-=-=-=-=-=-=-=-=-=-=-=-=-
