KORONADAL CITY – Ginpasiguro sang pamunuan sang 601st Brigade, Philippine Army nga nagabantay sila sang maayo sa ila “areas of responsibility” kag kontrolado sa gihapon tubtub sa karon nga bespiras sang paskua.
Ini ang ginpahayag ni Col. Ricky Bunayog sang 601st Brigade sang Phil.Army sa interview sang Bombo Radyo Koronadal.
Suno sa iya, wala sang dapat nga ikabalaka ang tanan nga mga pumuluyo bangud “everything is in control” pa tubtub sa subong bangud sa mga security plans nga ginlatag sang ila nga pamunuan para sekyar nga saulugon sang tanan ang kapaskuwahan.
Apang apisar nga manageable sa subong ang tanan, wala sa gihapon ang mga ini naga kumpiyansa bangud sa presensiya sang pila ka mga grupo nga naga serbe nga threat sa kalinung sa ila nga nasakupan kag mga krimen nga mahimo magluntad kag isa na diri ang pagbantay sa terrorista nga BIFF kag Daulah Islamiyah
