Nag-object si private prosecutor Atty. Erwin Matib sa pamangkot sang depensa tuhoy sa “conflict of interest” nga yara sa Republic Act 6713 ukon Code of Conduct and Ethical Standards for Public Officials and Employees, sa impeachment trial.
Sa cross-examination kay Securities and Exchange Commission lawyer Gerardo Del Rosario, ginpamangkot sang defense counsel nga si Atty. Justin Nicol Gular kun pamilyar ini sa RA 6713 kag sa technical definition sang conflict of interest.
Apang, ginpamatukan ini ni Atty. Matib, nga nagpahayag nga wala ini natalakay sa direct examination kag indi konektado sa una nga mga pamangkot sa saksi.
Bisan pa sini, ginpahanugutan ni Presiding Officer Chiz Escudero ang pamangkot matapos ipahayag ni Gular nga abogado ang saksi kag nakahatag na ini sang interpretasyon tuhoy sa mga probisyon sang amo nga layi.
Ginpahanagutan ni Escudero si Del Rosario nga magsabat kon nahibaluan niya ang depinisyon sang conflict of interest sa idalom sang RA 6713.
