-- ADVERTISEMENT --
Patay ang lima ka mga indibdiwal kag ginapangita pa ang 41 matapos masunog ang ferry nga KMP Mutiara Sentosa 2 sa katubigan malapit sa isla sang Madura, Indonesia.
Nagabiyahe ang barko halin sa Surabaya, East Java, pakadto sa Makassar, South Sulawesi, kag nagasakay sang indi masobra 250 ka pasahero.
Ginkumpirmar sang Basarnas nga halos bug-os na nga ginlamon sang kalayo ang barko samtang ang mga pasahero naghulat sang rescue.
Base sa kuha nga video, makit-an nga nagsuksok sang life jacket ang mga pasahero kag nagatipon sa lifeboat antes pa nga nagdako ang kalayo.
Sa karon, nagapadayon pa ang imbestigasyon sang mga awtoridad sa eksakto nga hinungdan sang sunog.
