Ginpahayag sang Department of Education (DepEd) nga madinalg-on nga nabuhinan ang paperworks sang mga manunudlo sa bug-os nga pungsod.
Suno kay Education Secretary Sonny Angara, naglab-ot sa 57 porsyento ang pagnubo sang mga buluhaton nga may kaangtanan sa pagproseso sang dokumento, office works, kag iban pa nga administrative tasks sang mga manunudlo.
Bangud sini, mas nakapokus na ang mga maestro sa ila panguna nga katungdanan nga pagtudlo sa mga estudyante.
Suno pa kay Angara, padayon ang pagkuha sang DepEd sang mga non-teaching personnel agud sila na ang magsalo sa mga papel kag administrative nga trabaho.
Lakip diri ang tubtob 5,000 ka Administrative Officers kag Project Development Officers.
Ginpahayag niya nga tinguha sang DepEd nga maprotektahan ang teaching time sang mga maestro kag tugutan sila nga magpokus sa pagtudlo sa baylo nga maubos ang oras sa paperworks.Kabahin ini sang padayon nga reporma sang DepEd para mapauswag kag maproteheran ang kaayohan sang mga manunudlo.
