Nagsaka ang Philippine Stock Exchange index (PSEi) sang Miyerkules bangud sang bargain hunting sang mga investor, samtang nag-ayo man ang kahimtangan sang Philippine peso kontra sa US dollar.
Nagsaka ang main index sang 0.78 porsyento pakadto sa 6,353.04 puntos, samtang ang All Shares index nagtaas sang 0.59 porsyento sa 3,447.34 puntos.
Kadam-an sang sektor sa stock market nagtapos nga mas mataas, pangunahan sang Holding Firms nga nagsaka sang 2.72 porsyento, sundan sang Property nga 1.45 porsyento.
Ang Mining and Oil index lamang ang nagtapos nga negatibo matapos magnubo sang 0.73 porsyento.
Suno sa Philstocks Research, luwas sa bargain hunting, ginkonsiderar man sang mga investor ang pahayag ni BSP Governor Eli Remolona nga indi pa ginapaabot ang agresibo nga pagpasaka sang interest rates sa madali nga tion.
Samtang, nagkusog man ang piso matapos magsirado sa ₱61.41 kontra sa US dollar, kumpara sa ₱61.61 sang nagligad nga adlaw.
