Nakigpulong si anay Department of Public Works and Highways (DPWH) Secretary Manuel Bonoan sa Office of the Ombudsman bilang bahin sang nagapadayon nga imbestigasyon sa alegasyon nga anomalya sa mga flood control projects.
Suno kay Ombudsman Jesus Crispin Remulla, naghatag sang iya testimonya si Bonoan kag ginakabig ini nga importante sa pag-usisa sang ila kaso.
Posible man nga makahatag ini sang dugang nga impormasyon sa imbestigasyon sang Ombudsman.
Ginpahayag ni Remulla nga sa masunod nga mga adlaw makigpulong siya sa mga prosecutors agud mapadasig ang pagproseso sang kaso kag masiguro nga indi ini magdugay ukon mapabay-an.
Antes sini, ginpahanugutan sang Ombudsman si Bonoan nga mangin state witness sa graft case nga may kaangtanan sa alegasyon nga anomalya sa flood control projects.
