Ginklaro sang Department of Education (DepEd) kag Department of Budget and Management (DBM) nga indi zero ang pondo para sa pagkuha sang public school teachers sa ginaproponer nga 2027 national budget.
Napain ang duha ka ahensya sang P31.220 bilyon para sa pagpuno sang 64,530 ka authorized teaching positions sa mga pampubliko nga buluthuan.
Ginpahayag ini matapos magguwa ang mga report nga wala sang pondo para sa bag-o nga teacher hiring sa proposed Fiscal Year 2027 budget.
Ginpahayag sang DepEd kag DBM nga indi dapat huna-hunaon nga wala sang pondo para sa teacher hiring bangud lamang nga wala sang separado nga allocation angot sa bag-o nga mga posisyon.
May yara na sang mga teaching position nga awtorisado kag may katumbas nga pondo sa proposed budget.
Nadugangan man sang P61.02 bilyon ang Personnel Services funding sang DepEd para sa 2027, bilang kabahin sang halos P1-trilyon nga budget sang ahensya.
Ginpahayag man sang DBM nga prayoridad sa 2027 budget ang kaayuhan kag professional development sang mga maestro, lakip ang P12.09 bilyon para sa Expanded Career Progression System kag P10.36 bilyon para sa pagpadayon sang P10,000 teaching allowance.
Nagapabilin gihapon nga hagna lamang ang FY 2027 National Budget kag mahimo pa ini magbag-o samtang ginadiskusyon sa Kongreso antes mangin layi.
