Nagpahayag ang pila ka senador sang handum nga ihatag ang gahum sa Supreme Court ang pagresolbar sang voting threshold agud ma-convict si Vice President Sara Duterte sa impeachment trial.
Madumduma nga ginpamangkot ni Senator-Judge Erwin Tulfo kun paano matuman ang 16-vote requirement kun may mga senador nga indi makatambong sa trial.
Nahibaluan nga apat ka senador ang indi regular nga nagapartisipar sa proceedings nga sanday Senador Jinggoy Estrada kag Senador Rodante Marcoleta nga yara sa detention center, Senador Ronald “Bato” dela Rosa nga ginapangita bangud sa arrest warrant, kag Senador Loren Legarda nga yara sa luwas sang pungsdo bangud sa health concerns.
Ginpahayag ni Sen. JV Ejercito nga mas maayo kun Supreme Court ang maghatag sang pinal nga desisyon, kag nagsuporta man sini si Sen. Raffy Tulfo.
Samtan, walas anay naghatag sang posisyon si Senate President Win Gatchalian kag naghulat sang diskusyon upod sa mga Amici Curiae ukon eksperto sa Setyembre 16, antes ang oral arguments sa Setyembre 23.
Ginpaklaro ni Senador Erwin Tulfo nga indi niya tuyo nga panubuon ang 16-vote threshold, sa baylo luyag niya sang klaro nga interpretasyon kun sin-o ang ginalakip sa “All members of the Senate” suno sa Konstitusyon.
