Ginpanugyan sang Department of Labor and Employment (DOLE) sa mga pribado nga kumpanya nga magpatuman sang flexible work arrangements bangud sa pagsaka sang presyo sang langis nga tuga sang tensyon sa Middle East.
Suno sa DOLE, mahimo magpatuman sang four-day workweek ukon work-from-home setup agud makabulig sa gasto sang kumpanya kag kaayuhan sang mga mamumugon.
Sa four-day workweek, tungaon ang 40 ka oras nga trabaho sa apat ka adlaw, samtang sa work-from-home setup mahimo nga magtrabaho sa balay ang empleyado sa isa ka adlaw depende sa sahi sang trabaho.
Dugang sang DOLE, may mga sektor nga indi makasarang nga ipatuman ini, gani boluntaryo lamang ang paggamit sini. Kinahanglan magsumiter sang report ang mga employer kon nagpatuman sang sini nga setup.
