Ginpresentar sa impeachment trial ang isa ka property nga ginaangot kay Atty. Manases Carpio, bana ni Vice President Sara Duterte, nga nagabalor sang P6 milyon.
Suno kay Davao City Register of Deeds IV Kathy Florence Baldonado, may kadakuon ang property nga 379 square meters kag yara sa Barrio Matina, Davao City.
Gindala ni Baldonado sa impeachment trial ang mga dokumento nga ginpangayo paagi sa subpoena, lakip ang Certified True Copy of the Transfer Certificate of Title, Deed of Sale, Bill of Property Tax Clearance kag Official Receipt of the Transfer Tax.
Ginkumpirma man niya nga ginbakal ang property sa kantidad nga P6 milyon sang Hulyo 2024.
Sang Agosto 2024, ukon isa ka bulan pagkatapos mabakal, ginprenda naman ang property sa balor nga P8 milyon.
Ang mga dokumento nahanungod sa property ginpresentar bilang kabahin sang ebidensya sa nagapadayon nga impeachment trial.
