Gin-anunsyo sang House prosecution team nga indi na nila pagpresentar bilang testigo si anay senador Antonio “Sonny” Trillanes IV sa nagapadayon nga impeachment trial ni Vice President Sara Duterte.
Ginkumpirmar mismo ni House lead prosecutor Rep. Gerville Luistro ang nagpahayag sang desisyon sang prosecution nga indi na ipaatubang si Trillanes sa Senado bilang kabahin sang ila witness presentation.
Ang desisyon nagakahulugan nga indi na kinahanglan nga magtestigo si Trillanes nahanungod sa mga alegasyon nga ginatuki sa kaso, samtang nagapadayon ang prosecution sa pagpresentar sang iban pa nga mga testigo kag dokumento.
Madumduman nga nauna nga ginlakip si Trillanes sa witness lineup sang prosecution para sa mga alegasyon may kaangtanan sa ginatawag nga unexplained wealth ni Vice President Duterte.
Samtang, nagapadayon ang paglilitis sang Senado kag ang pagpresentar sang prosecution sang mga dokumento kag testimonya nga ila ginakabig nga may kaangtanan sa mga alegasyon sa impeachment case.
