Nakigkita si Israeli President Isaac Herzog kay Bernie Lavarias, bana sang napatay nga Filipina caregiver nga si Mary Ann De Vera, sa Jerusalem agud personal nga ipahayag ang iya pagpakasubo kasunod sang pagkapatay sang Pinay sa isa ka missile attack.
Suno kay Herzog, ginapabutyag sang estado sang Israel ang iya madalom nga pagpakasubo sa pamilya ni De Vera kag sa bug-os nga sambayanang Pilipino.
Ginpahayag man sang Israeli President nga dako gid ang pag-apresyar sang mga Israeli sa mga Filipino caregiver bangod sa masami ginakabig sila nga kabahin sang ila pamilya.
Ginpasiguro man ni Herzog nga makabaton si Lavarias sang madali nga bulig pinansyal kag bulanan nga benepisyo sa idalom sang compensation program sang Israel para sa mga biktima sang giyera.
