Posible nga magtuga sang “chilling effect” sa media ang isyu sa pagpagwa sang mga rekord sang Anti-Money Laundering Council ukon AMLC, suno kay House Justice Committee Chairperson kag Lead Prosecutor Rep. Gerville Luistro.
Ini ang iya pahayag kasunod sang pagdumili sang defense panel sa pagtalakay sang amo nga impormasyon sa impeachment proceedings.
Madumduman nga sang nagligad nga adlaw, nagpahayag man sang pagkadismaya ang pila ka senator-judges sa ginpahayag sang defense lawyer nga si Atty. Mark Vinluan.
Suno sa iya, may posible nga pagkapriso para sa bisan sin-o nga makalapas sa confidentiality provisions sang AMLC law, kag ginlakip man niya ang media sa iya paandam.
Samtang, gin-insister ni Atty. Vinluan nga may nagluntad nga paglapas sa confidentiality sang AMLC information nga napahayag ukon napaguwa sa impeachment proceedings.
Samtang, ginpahayag ni Luistro nga ang amo nga sitwasyon mahimo maghatag sang kahadlok ukon pagduhaduha sa media sa pagreport sang mga impormasyon nga may kaangtanan sa proceedings.
