Ginkwestyon ni Senator-judge Pia Cayetano ang pagpakita sa screen sang isa ka dokumento halin sa Bureau of Internal Revenue ukon BIR samtang ginahulat pa sang impeachment court ang desisyon kun mahimo ini ipakita sa publiko.
Suno kay Cayetano, dapat anay naghulat ang prosecution kag technical team antes ginpakita ang amo nga dokumento bangud ini isa pa sa mga isyu nga ginadebatehan sa impeachment trial.
“This was an issue! Tapos dinisplay ng, what? 20 seconds? 30 seconds?” siling ni Cayetano.
Samtang, ginpahayag ni Presiding Officer Chiz Escudero nga gilayon man nga ginkuha sa screen ang table of summary nga una nga ginpakita.
Ang insidente natabo samtang nagapadayon ang impeachment proceedings kag ginatalakay pa sang korte kon ano nga mga dokumento ang mahimo ipakita sa publiko.
