Ginpaklaro ni Koronadal City Mayor Erlinda Araquil nga wala sang kamatuoran ang nagluntad nga mga isyu angot sa kaperdihan nga naeksperyensyahan sang mga negosyante sa night market.
Sa interview sang Bombo Radyo Koronadal kay Mayor Araquil, iya ginpahayag nga indi bal-an ni Koronadal Expose News nga amo ang nagpalapta sang mga isyu, ang nature sang negosyo.
Ginpunto sang alkalde nga may mga tion gid man nga mahina ang benta sang mga vendor sa night market, apang indi ini nagabuot-silingon nga wala na sila sang benta halin una nga adlaw tubtob sa katapusan sang selebrasyon sang Charter Anniversary.
Kaangot sini, ginpahayag man ni Mayor Araquil nga naghatag man siya sang P10,000 sa mga vendor sa night market bilang buffer stuck bilang bulig man sa mga vendor bangud indi pa sila pwede magbalik sa old city hall bangud sa pag-umpisa sang konstruksyon sang national museum.
