Magapaguwa ang Bureau of Customs (BOC) sang warrant of seizure and detention batok sa walo ka luxury vehicles may kaangtanan kay anay Ako-Bicol party-list Rep. Elizaldy “Zaldy” Co.
Suno kay BOC Commissioner Ariel Nepomuceno, may iregularidad sa mga dokumento sang mga salakyan sa diin may gin-rekomenda nga warrant nga ipaguwa.
Kun indi mapakita sang nagapanag-iya ang lehitimo nga papeles, ang mga salakyan mahimo nga mapadul-ong sa disposisyon sang gobyerno.
Madumduman nga sang Enero, nakumpiskar man sang BOC kag PNP ang 14 ka salakyan ni Co nga nagalapas sa Customs Modernization and Tariff Act.
Naimbolbar si Co sa isyu sang flood control projects, kun sa diin gina-alegar nga nakabaton siya sang kickbacks.
May arrest warrant man siya halin sa Sandiganbayan may kaangtanan sa ₱289.5 milyon nga anomalya sa proyekto sa Naujan, Oriental Mindoro.
Sa karon, ang walo ka luxury cars ang naka-park sa ICI compound sa Taguig City matapos ang search sa condominium ni Co.
