Nagnubo sang 17.2 porsyento ang ginapaabot nga produksiyon sang palay sa Pilipinas sa ikatlo nga quarter sang 2026, suno sa datos nga ginpaguwa sang Philippine Statistics Authority (PSA).
Suno sa PSA, ginabanta nga mag-abot lamang sa 3.10 milyones ka metriko tonelada ang produksiyon sang palay halin Hulyo tubtob Setyembre 2026.
Mas manubo ini kon ikumparar sa 3.75 milyones ka metriko tonelada nga aktuwal nga naitala sa amo man nga panahon sang nagligad nga tuig.
Nag-nubo man ang kadakuon sang duta nga naani-an sang palay sa nasambit nga panahon, halin sa 916.77 mil ka ektarya sang 2025 pakadto sa 753.68 mil ka ektarya subong nga 2026.
Katumbas ini sang 17.8 porsyento nga pagnubo sa kadakuon sang duta nga naani-an, nga mahimo makaapekto sa kabug-usan nga suplay sang palay sa pungsod.
Nagapakita ang datos sang pagnubo sang produksiyon sang palay sa ikatlo nga quarter sang sini nga tuig kon ikumparar sa amo man nga panahon sang 2025.
