Padayon ang monitoring sang BFP Koronadal sang mga estbalisyemento agud mahibaluan kung may yara sang mga guba kag agud masiguro ang kaluwasan sang katawhan.
Ini ang nangin pahayag ni FO1 Rohnel Nambatac ang Public Information staff community educator sang Bureau of Fire Protection sa interview sang Bombo Radyo Koronadal.
Suno kay FO1 Nambatac, ila ginasigurado nga masiguro ang kaluwasan sang mga katawhan sa syudad sang Koronadal gani nagapadayon sila nga naga kadto sang mga establsyemento agud ma chekyar kung may yara sang litik ukon ano pa man nga posbile indi na pwede magamit.
Dugang kay Nambatac, wala man sang report nga may yara sang nalipong sa natabo nga linog kahapon nga adlaw sang Miyerkules.
Nagpanawagan naman si Nambatac sa publiko nga kinahanglan mangin alerto himoon ang duck, cover and hold.
