Ginpahayag ni Presiding Officer Chiz Escudero nga nahangpan niya ang kahimtangan sang House Prosecution panel matapos magmasakit si Atty. Erwin Matib, nga amo kuntani ang magapresentar sa witness halin sa Bureau of Internal Revenue ukon BIR.
Suno kay Escudero, kun kaya pa ni Matib nga makabalik sa trial sini nga hapon, ginapaabot sang impeachment court nga mapadayon gihapon ang iya pagpresentar.
Apang kun indi ini posible, mahimo nga iban nga abogado sang prosecution ang magpresentar sa BIR witness.
Mahimo man, suno sa ruling, nga unahon anay ang forensic expert antes ang BIR witness.
Ginhatagan man ni Escudero ang prosecution panel sang ultimatum nga mapresentar ang BIR witness sa Biyernes.
Ini kasunod sang request sang prosecution nga bayluhon ang pafgpasunod sang ila mga testigo bangud sa pagkasakit ni Matib.
Suno kay Escudero, kon indi pa gid available si Matib sa Biyernes, ginapaabot sang korte nga islan siya sang iban nga abogado sang prosecution agud madayon ang pagpresentar sang BIR witness.
Sa pihak nga bahin, nagpangabay sanday Sen. Tito Sotto kag Sen. Migz Zubiri nga mag-break anay ang impeachment court antes ipadayon ang proceedings.
