Natagpuan na ang pitong nawawalang katao mula sa MBCA Amejara, at dadalhin muna sa Balut Island para sa agarang proseso.
Ayon kay Marfin Tan, isang fishing magnate sa General Santos City na may direktang koneksyon sa Philippine Coast Guard, apat sa mga nasawing katawan ay natagpuan sa Celebes Sea malapit sa Balut Island, habang ang tatlo naman ay natagpuan 75 nautical miles mula sa Maasim, Sarangani Province.
Kinumpirma rin ng MDRRMO ng Sarangani Municipality na hinihintay pa nila ang beripikasyon at pagkakakilanlan ng mga katawan dahil aabutin ng humigit-kumulang apat na oras ang biyahe mula sa lugar ng pagkakakilanlan papunta sa Balut Island.
Patuloy ang koordinasyon ng Philippine Coast Guard at lokal na awtoridad upang matiyak ang mabilis at maayos na proseso ng paghahanda ng mga katawan.
Matatandaan na nawala ang mga ito noong Enero 19 matapos malunod ang motorbanca na MBCA Amejara.
