Naghatag na sang pagpaklaro si Mark Lloyd Moratin, BPAT sang Barangay Topland nga imbolbado sa nagluntad nga rambol sang Disyembre 24, 2025.
Sa interview sang Bombo Radyo Koronadal kay Mark Lloyd Moratin, BPAT sang Barangay Topland, Ginpahayag sini nga indi matood ang gina siling ni Jeorge Perez nga siya ang nag una nga nagsumbag bangud hubog na ini sang nagkadto sa plaza sang nasambit nga barangay kag nag deritso sa naga tumpok nga mag kabataan nga naga sinadya gamit ang mga motor.
Dugang pa kay Moratin, ginasaway niya si Jeorge Perez bangud nga naga paniko na ini sa mga tao nga nag sinadya kag iya ini nga gin istorya nga mag pahuway kay yara ini sa impluwensya sang maka holobog nga ilimnon.
Madumdoman nga gina tumod ni Jeorge Perez si Mark Lloyd Moratin, nga una nga nag sumbag sa iya sa tion sang nag rambol kag nag siling pa nga madamo ini sang kaso sa nasambut nga barangay.
Gindugang pa ni Moratin, nga sa tion sang rambol nag balos siya sang sumbag bangud una nga ginsumbag siya ni Jeorge Perez kag didto na nakita sa naga lapta nga vedio nga naga rambol. Bukas man suno pa si Moratin, nga makipag istorya para sa ikaayo kag para wala na sang problema.
Nagpanawagan naman si Moratin sa pumoluyo sang nasambit nga barangay, nga indi mag pati sa gina siling ni Jeorge Perez nga siya ang una nga nag sumbag bangud ginahimo lang suno pa niya ang iya nag trabaho bilang otoridad sang nasambit nga barangay.
