Tani naghipos nalang si Senadora Imee Marcos sa baylo nga ginbuyagyag sa publiko nga nagausar sang ilegal nga droga ang iya utod nga si Pangulong Ferdinand Marcos Jr.
Ini ang nangin reksiyon ni Alyas Romy, residente sang siyudad sang Koronadal sa interview sang Bombo Radyo Koronadal.
Suno kay Romy, dapat suportohan nalang sini ang presidente kung ano ang iya nga ginahimo nga kamaayohan sa pungsod pilipinas kag mas maayo nalang nga mag imbestiga angot sa isyu sang malapnagon nga korapsyon kaysa maghimo sang mga istorya nga wala man sang kamatuoran.
Dugang pa kay Romy, dapat ang ginhimo nga tikang ni Senadora Imee kung matood man lang ang iya mga ginbuy-an nga mga pahayag dapat nagpasaka na lamang ini sang kaso batok sa iya nga utod.
Samtang sa pihak nga bahin suno kay Romy, kun matood man ang mga pahayag ni Ako Bicol Party List. Zaldy Co angot sa isyu sang korapsyon dapat magbalik siya diri sa Pilipinas kag manumpa sa korte kag magpirma sang affidavit agud nga ipakita ang iya nga mga ebendemsiya.
