Teodoro ginpasakaan sang kaso nga perjury ang duha ka babayi nga pulis.

Ginkasuhan ni Marikina First District Representative Marcelino Teodoro sang perjury ang duha ka babayi nga pulis. Ang nasambit nga duha ka babayi nga pulis nadestino sa iya bilang close-in security sang siya pa ang alkalde.

Ginpahayag ni Atty. Alma Mallonga nga abogado sang kongresista, nga ginpasaka ang kaso sa Manila prosecutor’s office bangud sa pag-imbento sang mga istorya para gubaon ang ngalan sang mamalidha.

Ginpanindugan man nila nga wala sang basehan ang ginpasaka sang mga ginreklamo nga pulis sa Department of Justice batok kay Teodoro.

Nagapati man si Teodoro nga mapaslawan ang kaso nga rape batok sa iya samtang desidido ini nga ipadayon ang perjury case batok sa duha ka pulis.