Target subong sang Department of Public Works and Highways (DPWH) nga umpisahan subong nga semana ang rehabilitasyon sang mga naguba nga mga building kag imprastraktura sa Cebu pagkatapos sang natabo nga magnitude 6.9 nga linog.
Suno kay DPWH Secretary Vince Dizon, umpisa na subong nga semana ang permanente nga pag-ayo sang mga imprastraktura.Siling niya, may ginpundo nga masobra P2.5 bilyon ang ginbana-bana nga kadakuon sang kadaut sa mga kalsada kag mga taytay, kag wala pa diri ang bug-os nga kantidad sang kadaut sa mga eskwelahan kag ospital sa probinsya.
Ginpaklaro niya nga amo ini ang rason nga posible pa nga magtaas ang kantidad sang mga danyos nga marekord sa mga masunod nga adlaw.
Samtang, suno naman sa National Disaster Risk Reduction and Management Council (NDRRMC), may 713 ka mga imprastraktura ang naguba sa Central Visayas, kag ini wala pa labot sa 18,154 ka mga kabalayan nga apektado sa rehiyon.
