Kasunod sang wala ginapaabot nga resulta sa Wuhan Open, ginsaylo sang Filipina tennis star nga si Alex Eala ang iya pokus sa iya masunod nga torneyo: ang WTA 500 Ningbo Open sa China, nga pagahiwaton sa Oktubre 19 tubtob 25.
Wala nakasulod si Eala sa masunod nga hugna sang singles draw pagkatapos nga napierde sa Chinese player nga si Shi Han, nga may score nga 4-6, 6-3, 6-3.
Nag-atubang ang Filipina tennis player sang setback sa doubles event, sa diin nag-partner sia sa iya abyan, si Zeynep Sonmez sang Turkey.
Nagahatag kay Eala ang Ningbo Open sang bag-o nga kahigayunan nga mag-bounce back kag ipakita ang iya mga ikasarang batok sa makahaladlok nga mga kontra sa women’s tennis.
Ginalauman nga beinte-otso ka mga humalampang ang magapaindis-indis sa main draw sang torneo, nga ang apat lamang ka nagapanguna nga mga players ang makabaton sang bye sa ikaduha nga hugna.
Lakip sa mga ginapaabot nga mga partisipante amo ang defending champion nga si Elena Rybakina sang Kazakhstan, world No. 4 nga si Jessica Pegula sang Estados Unidos, world No. 6 nga si Elina Svitolina sang Ukraine, kag world No. 9 nga si Iga Swiatek sang Poland.
Nagaserbe ang palaabuton nga torneo nga isa ka importante nga oportunidad para kay Eala nga makabawi halin sa iya performance sa Wuhan kag magpadayon sa pagpaindis-indis upod sa mga nagapanguna nga international tennis circuit.
