Nagapati si Senate President Pro Tempore Jinggoy Estrada nga indi magtuhaw ang isa ka “ghost project” kon wala sang kooperasyon sang Commission on Audit (COA).
Suno sa senador, dapat ipatawag sa masunod nga pagdinig sang Senate Blue Ribbon Committee ang mga opisyales sang ahensya para magpaathag nahanungod sa mga maanomalyang flood control projects sang gobyerno.
Kahapon, sa privilege speech ni Senador Ping Lacson, ginpahayag sini ang isa ka pie-sharing, ukon kon paano ginapihak-pihak ang pondo para sa flood control projects, kon sa diin yara sa 0.5 to 1% ang nagakadto sa Commission on Audit.
Ginrekomendar man ni Estrada nga “heads must roll” ukon may dapat managot sa mga katiwalian nga ginaulamiran sang mga proyekto sang gobyerno.Dugang pa niya, posible man suno pa nga pila ka empleyado sang Department of Public Works and Highways (DPWH) ang nagakorner sang mga kontrata para sa isa ka proyekto.
