Nagapaayo na sa subong sa balay bululngan sa bahin sang Cotabato City ang suspek nga nagbato sa operating troops sa ginkasa nga drug buybust operation sang Sultan Kudarat MPS sa bahin sang Brgy. Poblacion Dalican, Datu Odin Sinsuat, Maguindanao del Norte.
Ginkilala ni PLtCol. Esmael Madin, hepe sang Sultan Kudarat MPS ang naarestar nga suspek nga si Amir Kasim Upam, may asawa, mangunguma kag residente sang Bunged, DOS samtang naka palagyo naman ang kaupod sini nga si alyas Ricky nga amu naman ang target sang opersyon.
Suno sa hepe, nagpatigayon ang mga ini sang operasyon bilog nga adlaw tubtub nakuha ang mga otoridad ang suspek sa bulig man sang Datu Odin Sinsuat MPS.
Nakuha sa posisyon sang suspek ang 5 ka mga plastic sachet nga naga unod sang gina-alegar nga illegal nga droga nga ginabulubanta nga may timbang nga halos 144.96 grams kag ginabulubana nga naga balor sang halos P1 Million Pesos.
Lakip man sa mga nabawi sang mga otoridad sa transaksyon ang isa ka keypad cellphone, color blue Suzuki Raider 150 nga may plaka nga 102MVW, ₱1,000 genuine money kag ang 500,000-peso boodle money.
Ginpahayag naman sang hepe nga maghalos isa na kabulan ang ila nga survaillance sa hulag sang suspek antes nga na kumpirma ini sang mga kapulisan nga imbolbado sa illegal nga droga.
Kaso naman nga paglapas sa Comprehensive Dangerous Drugs Act of 2002 sang RA9165 ang igapasaka nga kaso batok sa suspek kag padayon naman nga operasyon sang mga otoridad batok sa nakapalagyo naman ini nga kaupdanan
