Nagbukas sang bag-o nga detalye ang testimonya ni anay Department of Public Works and Highways (DPWH) Bulacan District Engineer Henry Alcantara matapos niya ibutyag nga nag-abot sa P213 milyon ang kwarta nga iya ginpadala sa basement sang Diamond Hotel sa Manila, nga suno sa iya ginatudlo nga para kay Senador Jinggoy Estrada.
Ginpahayag ini ni Alcantara sa iya pagpamatuod sa Sandiganbayan.
Suno sa iya, si anay DPWH Undersecretary Roberto Bernardo ang nagmando nga ihatod ang kwarta bilang ginapatihan nga kickback ni Estrada halin sa mga proyekto sa Bulacan 1st kag 3rd District Engineering Offices (DEO).
Ginpaathag man ni Alcantara nga ang P213 milyon kabahin sang ginatawag nga 25 porsiyento nga “commitment fee” nga gin-alegar para kay Estrada halin sa mga proyekto nga nagabalor sang P355 milyon sa Bulacan 1st DEO kag P500 milyon sa Bulacan 3rd DEO.
Dugang pa niya, ang iya driver nga si Edrick San Diego amo ang nagdala sang kwarta halin sa iya opisina pakadto sa Diamond Hotel.
Ang mga pahayag ni Alcantara kabahin sang iya testimonya sa korte may kaangtanan sa ginaduso nga alegasyon sang korapsyon sa mga proyekto sang DPWH.
