KORONADAL CITY – Nagapadayon sa karon ang imbestigasyon sang mga otoridad sa pagpatay sa isa ka Senior Citizen paagi sa pag-gulgol sang liog sini.
Ginkilala ni PLt. Julieto Resus, deputy chief of Police for operation ng Tantangan PNP ang biktima nga si Crisinciano Hernando y Coniedo, 67 years old, may asawa kag residente sang Purok Upper Maligaya, Barangay Poblacion, Tantangan, South Cotabato.
Sandig sa inisya nga imbestigasyon, nasapwan na lamang nga duguon sa panimalay sini ang biktima kun diin nakit-an ang pilas sini sa liog nga agi sang matalom nga butang.
Sa karon, ginahibalo pa sang mga otoridad kun ano ang motibo sa pagpatay sa biktima kag kun sin-o ang responsable sa pagpatay sa iya.
Hustisya naman ang ginasinggitan sang pamilya sini sa natabo sa iya.
