-- ADVERTISEMENT --
Nagnubo sa 5.3% ang unemployment rate sa Pilipinas sang Agosto, halin sa 6% sang Hulyo, suno sa Philippine Statistics Authority (PSA).
Equivalent ini sang 2.77 milyones nga Pilipino nga wala sang trabaho sang Agosto, mas manubo kumpara sa 3.14 milyones sang nagligad nga Hulyo.
Nagnubo man ang underemployment rate sa 11.9% ukon 5.90 milyones nga Pilipino nga nagapangita pa sang dugang nga oras sa trabaho ukon dugang nga palangabuhian.
Mas manubo ini kumpara sa 12.9% ukon 6.33 milyones sang Hulyo.
Samtang, naglab-ot sa 94.7% ang employment rate sang Agosto, nga equivalent sang 49.79 milyones nga Pilipino nga may trabaho ukon palangabuhian.
