Luwas nga nakabalik sa Pilipinas ang 17 ka Pilipino nga marino nga nadalahig sa separado nga mga insidente sa Strait of Hormuz, suno sa Department of Migrant Workers (DMW).
Lakip sa mga nakabalik ang 16 ka tripulante sang M/V Kazima III kag isa ka tripulante sang M/V Sinbad.
Nahibaluan nga nag-abot ang mga marino sa Ninoy Aquino International Airport Terminal 3 sang Biyernes, Oktubre 9, sakay sa separado nga mga flight sang Emirates kag Etihad Airways.
Suno sa DMW, naguba ang duha ka barko matapos ma-igo sang wala pa makilala nga mga projectile samtang nagabiyahe sa kadagatan.
Samtang, ginsugo sang DMW kag Overseas Workers Welfare Administration (OWWA) ang pila ka manning agency nga siguruhon ang paghatag sang nagakaigo nga pisikal kag mental nga pag-usisa sa mga marino.
Ginpabutyag man sang mga ahensya ang importansya sang paghatag sang nagakaigo nga benepisyo kag kompensasyon sa mga Pilipino nga marino nga nadalahig sa mga insidente.
