Ginpahayag ni Atty. Niña Aguilar, head sang Anti-Money Laundering Division sang Metrobank, nga ang tanan nga ginareport nila nga “suspicious transactions” sa Anti-Money Laundering Council ukon AMLC ay ginapaidalom anay sa masusi nga assessment kag validation.
Ini ang iya pahayag kasunod sang pamangkot ni Sen. Kiko Pangilinan kon paano ginakilala ukon ginadeterminar sang bangko ang mga kahina-hinalang transaksyon, bisan sin-o pa ang tag-iya sang account.
May kaangtanan ini sa report sang AMLC nga may pila ka bank transactions nga konektado kay Vice President Sara Duterte kag Atty. Mans Carpio nga naklasipikar bilang “suspicious transactions.”
Suno kay Aguilar, indi basta-basta ginareport sang bangko ang isa ka transaksyon bilang suspicious, bangod ginarepaso anay ini sing maayo agud malikawan ang indi kinahanglanon nga epekto sa bank profile sang account holder.
Ginpahayag man niya nga ang pagklasipikar sang isa ka transaksyon bilang suspicious indi dapat ibase sa “tsismis,” kundi sa resulta sang husto nga pagsusuri kag validation sang bangko.
