-- ADVERTISEMENT --
Gin-anunsyo sang Philippine Institute of Volcanology and Seismology (PHIVOLCS) nga naka-record ang ahensya sang 16 tanan ka paglinog sang bulkan Kanlaon sa isla sang Negros halin sang Sabado sang kaagahon.
Suno pa sa PHIVOLCS nga nagbuga man ang bulkan sang masobra 4,992 ka tonelada sang sulfur dioxide flux sa pareho man nga tion.
Bangud sini, nagapabilin sa gihapon sa Alert Level 2 ang bulkan bangud sang “increased unrest” matapos ang ulihi sini nga paglupok sang Hunyo 3.
Ginahingyo man ang publiko nga indi magsulod sa 4-kilometer Permanent Danger Zone (PDZ).
Padayon man nga ginadumilian ang tanan nga klase sang aircraft nga maglupad malapit sa bulkan.
