Nagsaka na sa 24 ang numero sang mga napatay bangud sa Habagat kag mga Bagyo nga Ferdie, Gener kag Helen.
Sandig sa report sang National Disaster Risk Reduction and Management Council (NDRRMC), siyam sa mga napatay ang nagikan sa Mimaropa, lima sa Western Visayas, tig-apat sa Zamboanga Peninsula kag Bangsamoro Autonomous Region in Muslim Mindanao (BARMM), kag duha sa Central Visayas.
May 12 naman nga nagapabilin nga missing sa Mimaropa kag duha sa Zamboanga Peninsula.
Bangud sa epekto sang malain nga lakat sang panahon, nagdeklarar sang state of calamity ang San Enrique, Negros Occidental kag Pandan, Antique.
Naglab-ot naman sa 1,303,677 ka mga indibidwal ukon 356,578 ka mga pamilya ang naapektuhan sa Cagayan Valley, Central Luzon, Mimaropa, Bicol, Western Visayas, Central Visayas, Zamboanga Peninsula, Northern Mindanao, Davao Region, Caraga, Bangsamoro Autonomous Region in Muslim Mindanao (BARRM), kag Cordillera
