Ginhatagan imGinhatagan importansya ni Gov. Reynaldo Tamayo Jr. ang dako nga papel sang mga manunudlo sa kabuhi sang tagsa ka mga estudyante bilang kabahin sang selebrasyon sang World Teachers’ Day subong nga adlaw sang Lunes, Oktubre 5, 2026.
Suno sa gobernador dako ang nangin ambag sang mga ini sa paghulma sang values kag padtudlo sang mga leksyon sa mga kabataan, dugang pa niya wala sang bisan ano paman nga propesyon subong sa kalibutan kung indi bangud sa mga manunudlo nga naghatag sang ila dedikasyon kag sakripisyo sa tagsa mga estudyante.
Sa pagsaulog sang World teachers day, ginabutyag sang gobernador nga ang mga manunudlo isa ka mga buhi nga bagani sa subong nga tion gani indi lamang sa subong nga world teachers day, dapat isaulog kag i-apresyar ang importansya sang mga ini kinahanglan nga sa adlaw adlaw nga dedikasyon nila sa ila propesyon hatagan ini sang pagsaludo.
Sa ulihi nagpanawagan ang gobernador sa tanan nga mga kabataan nga magtuon kag indi paguyangan ang tion nga ginhatag sa ila para saila palaabuton nga buwas damlag.
