Naghatag sang klaripikasyon ang Ignite Power, sister company sang Contribution Utility nga yara sa idalom sang Primelectric, bahin sa ginatubang nga isyu sang South Cotabato Electric Cooperative II ukon SOCOTECO-II.
Sa interview sang Bombo Radyo Koronadal kay Jonathan Cabrera, Information Officer sang Ignite Power, ginpahayag niya nga ang ila kumpanya amo ang nagproponer sa SOCOTECO-II nga magtukod sang joint venture company nga pagatawgon nga Mindanao Power.
Suno kay Cabrera, tumong sang amo nga partnership nga mabuligan ang SOCOTECO-II sa pagsulbad sang mga problema sini, ilabi na sa pinansyal nga aspeto.
Gindugang niya nga ang ginatubang nga kaperdihan sang kooperatiba ginakabig nga resulta sang mataas nga system loss charges, nga nakaapekto man sa mga substation sang SOCOTECO-II.
Gani, suno kay Cabrera, ang proposed partnership isa sa mga tikang nga ginatan-aw agud mabuligan nga masalbar ang kooperatiba kag mapadayon ang paghatag sini sang serbisyo sa mga pumuluyo nga nagasalig sa SOCOTECO-II.
